ახალგაზრდული ინიციატივების მხარდაჭერის პროგრამა

ქალაქ ფოთის მუნიციპალიტეტის მერია, 15 ივნისიდან, ახალგაზრდული ინიციატივის მხარდაჭერის პროგრამას იწყებს!

პროგრამის მიზანია ქალაქ ფოთში შეიქმნას და განხორციელდეს მუნიციპალიტეტის ტერიტორიაზე რეგისტრირებულ 14-დან 29 წლამდე ახალგაზრდებზე (ადგილობრივი/დროებით მცხოვრები) ორიენტირებული ინიციატივები.
ქალაქ ფოთის საჯარო და კერძო სკოლების თვითმმართველობებმა სკოლის დირექციასთან ერთად შეიმუშაონ მუნიციპალიტეტის ტერიტორიაზე რეგისტრირებულ 14-დან 18 წლამდე ახალგაზრდებზე (ადგილობრივი/დროებით მცხოვრები) ორიენტირებული ინიციატივები.

ქალაქ ფოთის მუნიციპალიტეტის მერიის ახალგაზრდული ინიციატივების მხარდაჭერის ფინანსური ხელშეწყობის (დაფინანსება/თანადაფინანსება) პროგრამაში მონაწილეობის მისაღებად დაინტერესებული პირის მიერ წარმოდგენილი უნდა იყოს:

განცხადება მერის სახელზე;
საინიციატივო/საპროექტო განაცხადი (ინფორმაცია ორგანიზაციის შესახებ, შევსებული სააპლიკაიცო ფორმა და ბიუჯეტის ფორმა (დანართების შესაბამისად).
სხვა დოკუმენტაცია, რომელიც წარმოაჩენს ინიციატივის დაფინანსების საჭიროებას (არსებობის შემთხვევაში).
განმცხადებელი ორგანიზაციის ამონაწერი საჯარო რეესტრის ეროვნული სააგენტოდან;
განმცხადებლის პირადობის მოწმობის ასლი/საინდიფიკაციო კოდი;
განმცხადებელი ორგანიზაციის საბანკო რეკვიზიტები.

მერიაში წარმოდგენილი ინიციატივის/პროექტის დაფინანსება/თანადაფინანსება გახორციელდება არანაკლებ 1000 (ათასი) და არაუმეტეს 9 000 (ცხრა ათასი) ლარით.

4000 (ოთხი ათასი) ლარზე მეტი ღირებულების ინიციატივების/პროექტების შემთხვევაში მერია განახორციელებს თანადაფინანსებას, რომელიც არ უნდა აღემატებოდეს ინიციატივის/პროექტის სრული ღირებულების 80 %-ს.

ქალაქ ფოთის საჯარო და კერძო სკოლების თვითმმართველობების შემთხვევაში მერიაში წარმოდგენილი ინიციატივის/პროექტის დაფინანსება გახორციელდება 1000 (ათასი) ლარით. წლის განმავლობაში გახორციელდება სულ 5 პროექტი.

პროგრამა ხელს შეუწყობს ახალგაზრდული ორგანიზაციების საქმიანობის განვითარებას და მუნიციპალიტეტში რეგისტრირებული ახალგაზრდების ინტერესების დაკმაყოფილებას.

არასამეწარმეო (არაკომერციულ) იურიდიულ პირებისთვის საპროექტო განაცხადის წარდგენის ბოლო ვადაა 31 ივლისი.

ქალაქ ფოთის საჯარო და კერძო სკოლების თვითმმართველობებისთვის (სკოლის დირექციის მეშვეობით) განაცხადის წარდგენის ბოლო ვადაა 31 აგვისტო.

არასამეწარმეო (არაკომერციულ) იურიდიულ პირების მონაწილეობის შემთხვევაში პროგრამის გახორციელების პერიოდი განისაზღვრება 2023 წლის 1 სექტემბრამდე.
ქალაქ ფოთის საჯარო და კერძო სკოლების თვითმმართველობების (სკოლის დირექციის მეშვეობით) მონაწილეობის შემთხვევაში პროგრამის გახორციელების პერიოდი განისაზღვრება 2023 წლის 1 ოქტომბრამდე.

ახალგაზრდული ინიციატივების მხარდაჭერის ფინანსური ხელშეწყობის (დაფინანსება/თანადაფინანსება) პროგრამაში მონაწილეობისთვის განაცხადები მიიღება როგორც ქალაქ ფოთის მუნიციპალიტეტის მერიის კანცელარიაში მატერიალური ფორმით (მის: დ. აღმაშენებლის ქ. N12), ასევე ელექტრონულ ფოსტაზე: cempsypoti@gmail.com

ბიუჯეტის ფორმა

განაცხადის ფორმა

პროგრამის გახორციელების წესი