განსაკუთრებული საჭიროების მქონე პირთა მხარდაჭერის პროგრამა

„განსაკუთრებული საჭიროების მქონე პირთა მხარდაჭერის პროგრამა“ მოიცავს შემდეგ ქვეპროგრამებს:

ა) დიალიზზე მყოფი პირების (პაციენტების) სასიცოცხლოდ აუცილებელი საჭიროებების დაკმაყოფილების მიზნით, ფინანსური დახმარების გაწევა.

ბ) საგანგებო სიტუაციების კორდინაციისა და გადაუდებელი ცენტრის სასწრაფო და რეფერალური ბრიგადების მიერ განსაკუთრებული საჭიროების მქონე ავადმყოფთა ქალაქგარეთ ტრანსპორტირების დაფინასება.

ა) დიალიზზე მყოფი პირების (პაციენტების) სასიცოცხლოდ აუცილებელი საჭიროებების დაკმაყოფილების მიზნით, ფინანსური დახმარების გაწევა.

დიალიზზე მყოფი პირებს (პაციენტებს) სასიცოცხლოდ აუცილებელი საჭიროებების დაკმაყოფილების მიზნით, ფინანსური დახმარება გაეწევათ  თვეში 150 ლარის ოდენობით;

პაციენტი ან/და ოჯახის წევრი განცხადებით მიმართავს ქალაქ ფოთის მუნიციპალიტეტის მერიას. განცხადებას თან უნდა დაერთოს:

1) პირადობის მოწმობის ასლი;

2) იძულებით გადაადგილებული პირის სტატუსის დამადასტურებელი დოკუმენტის ასლი (ქალაქ ფოთის მუნიციპალიტეტში რეგისტრაციის მითითებით).

3) მკურნალი ექიმის მიერ შევსებული ფორმა №100 ავადმყოფის დიაგნოზის მითითებით.

4) საბანკო ანგარიშის ნომერი.

შემოსული დოკუმენტაცია მოწმდება ქალაქ ფოთის მუნიციპალიტეტის მერიის ჯანმრთელობის და სოციალური დაცვის სამსახურში.

ყოველი თვის დასაწყისში, ქალაქ ფოთის მუნიციპალიტეტის მერიის ჯანმრთელობისა და სოციალური დაცვის სამსახურის მიერ გადამოწმდება  დიალიზზე მყოფი ბენეფიციარები სოციალური მომსახურების სააგენტოს მონაცემთა ერთიან ბაზაში. საბუთების განახლება მოხდება ყოველწლიურად.

ბიუჯეტიდან გამოყოფილი მატერიალური დახმარება, შესაბამისი სამუშაო ჯგუფის დასკვნისა და ქალაქ ფოთის მუნიციპალიტეტის მერის ბრძანების საფუძველზე, განსაზღვრულ პირებს დაერიცხებათ საბანკო ანგარიშზე, იმის გათვალისწინებით, რომ ბენეფიციარი უნდა იყოს რეგისტრირებული ქალაქ ფოთის მუნიციპალიტეტში.

ბ) საგანგებო სიტუაციების კორდინაციისა და გადაუდებელი ცენტრის სასწრაფო და რეფერალური ბრიგადების მიერ განსაკუთრებული საჭიროების მქონე ავადმყოფთა ქალაქგარეთ ტრანსპორტირების დაფინასება.

საგანგებო სიტუაციების კორდინაციისა და გადაუდებელი ცენტრის სასწრაფო და რეფერალური ბრიგადების მიერ განსაკუთრებული საჭიროების მქონე ავადმყოფთა ქალაქგარეთ ტრანსპორტირების შემთხვევაში დაფინანსდება პაციენთა გადაყვანა:

ა) ფოთი – თბილისი – თბილისი – ფოთი  – 900 ლარით;

ბ) ფოთი – ქუთაისი – ქუთაისი – ფოთი – 350 ლარით;

გ) ფოთი – ბათუმი – ბათუმი – ფოთი – 250 ლარით;

დ) ფოთი – ზუგდიდი – ზუგდიდი – ფოთი – 200 ლარით.

დახმარება გაიწევა წელიწადში ერთხელ.

განცხადებას თან უნდა დაერთოს:

1) პირადობის მოწმობის ასლი;

2) იძულებით გადაადგილებული პირის სტატუსის დამადასტურებელი დოკუმენტის ასლი (ქალაქ ფოთის მუნიციპალიტეტში რეგისტრაციის მითითებით).

3) მკურნალი ექიმის მიერ შევსებული ფორმა №100 ავადმყოფის (პაციენტის)  სასწრაფო დახმარების ავტომობილით გადაყვანის საჭიროების  მითითებით.

4) საბანკო ანგარიშის ნომერი.

შემოსული დოკუმენტაცია მოწმდება ქალაქ ფოთის მუნიციპალიტეტის მერიის ჯანმრთელობის და სოციალური დაცვის სამსახურში.

ბიუჯეტიდან გამოყოფილი მატერიალური დახმარება, შესაბამისი სამუშაო ჯგუფის დასკვნისა და ქალაქ ფოთის მუნიციპალიტეტის მერის ბრძანების საფუძველზე, განსაზღვრულ პირებს დაერიცხებათ საბანკო ანგარიშზე, იმის გათვალისწინებით, რომ ბენეფიციარი უნდა იყოს რეგისტრირებული ქალაქ ფოთის მუნიციპალიტეტში.