ცენტრალური პარკის რეაბილიტაცია

ქალაქ ფოთის მუნიციპალიტეტის მერია ფოთში ცენტრალური კულტურისა და დასვენების პარკის მოწყობის სამუშაოებს ახორციელებს. პროექტის ფარგლებში გათვალისწინებულია:

➡️ საფეხმავლო ბილიკების მოწყობა და სათამაშო საბავშვო მოედნების მშენებლობა;
➡️ არსებული შადრევნის რეკონსტრუქცია და დამატებით ახალი შადრევნის მოწყობა;
➡️ საჩრდილობელი ჯიხურისა და ველოსიპედის სადგომის მოწყობა;
➡️ ატრაქციონების მონტაჟი;
➡️ საგამოფენო ზონის კეთილმოწყობა;
➡️ უფასო wifi-ზონების მოწყობა;
➡️ ტერიტორიის მწვანე ნარგავებით შევსება;
➡️ პარკი ადაპტირებული იქნება შშმ პირებისთვის.

ცენტრალური პარკი, რომელიც წარმოადგენს კულტურული მემკვიდრეობის ძეგლს, რეაბილიტაციის შემდეგ, ქალაქ ფოთის მოსახლეობისთვის იქცევა ახალ კულტურულ-რეკრეაციულ სივრცედ, სადაც დასვენებასა და გართობას შეძლებს ნებისმიერი ასაკის მოქალაქე. რეაბილიტირებული ცენტრალური პარკი, ასევე, შეიძენს ტურისტულ დანიშნულებასა და ხელს შეუწყობს ქალაქში ტურიზმის განვითარებას.