წარმოება

შპს „ჯოლიოს“ ზეთის საწარმო უმაღლესი ხარისხის ზეთს „იალონი“ აწარმოებს, რომელიც ეკოლოგიურად ჯანსაღი, არაგენმოდიფიცირებული ნედლეულით დამზადებული ზეთია. ეს არის პირველი ქართული, მზესუმზირის გადამამუშავებელი საწარმო საქართველოში, ქალაქ ფოთში, სრული ციკლითა და საერთაშორისო სტანდარტის შესაბამისი წარმოებით. საწარმო ახროციელებს უკრაინიდან იმპორტირებული მზესუმზირის მიღებას, მიღებული მზესუმზირის დახარისხებასა და დამუშავებას, შესაბამისად, ხდება დაახლოებით 100 ტონა მზესუმზირის დღიური გადამუშავება.

ქალაქ ფოთში 4 თევზის საწარმოა, რომელთა მთავარი საქმიანობაც თევზჭერა და თევზის მრეწველობა წარმოადგენს. ამ საწარმოთა საშუალებით შეიქმნა ახალი საწარმოო მიმართულებები და დამატებითი სამუშაო ადგილები. ქარხნები ლიცენზიით განპირობებული კვოტის ფარგლებში მოიპოვებენ შავი ზღვის რესურსს – ქაფშიას, ახდენენ გადამუშავებას და ქმნიან პროდუქციას, როგორიცაა თევზის ფქვილი და ზეთი. თევზის პროდუქტების უვნებლობის მართვის სისტემა დანერგილია საერთაშორისო სტანდარტების მიხედვით.

ფოთის თევზჭერის ფლოტი შედგება 26 ქართული თევზსაჭერი გემისგან. აღსანიშნავია, რომ „აწარმოე საქართველოში“ თევზჭერის ფლოტის განახლების მიმართულების დამატების შემდგომ, პროგრამის დაფინანსებით ჩანაცვლდა 8 თევზსაჭერი გემი, 3 კი მზადების პროცესშია (2023 წლის მარტის მონაცემებით).