წყალარინების სისტემის მშენებლობა

აზიის განვითარების ბანკის მხარდაჭერით (ADB), ფოთში წყალარინების ქსელის მოწყობა და გამწმენდი ნაგებობის მშენებლობა თანამედროვე სტანდარტების შესაბამისად მიმდინარეობს.

პროექტი ითვალისწინებს მთელი ქალაქის მასშტაბით 145 კმ ქსელის მოწყობასა და 28 ერთეული სატუმბი სადგურის მშენებლობას. შენდება წყალარინების გამწმენდი ნაგებობა.

დღემდე, ფოთის მოსახლეობის 60% კანალიზაციის სისტემით ვერ სარგებლობს. მასშტაბური სამუშაოების დასრულების შედეგად, 50 000-ზე მეტ ადამიანს არსებული პრობლემები საბოლოოდ მოუგვარდება და წყალარინების გამართული ინფრასტრუქტურით ისარგებლებს. ხოლო, გამწმენდი ნაგებობა ექსპლუატაციაში შესვლის შემდეგ, მნიშვნელოვნად შეამცირებს გარემოს დაბინძურების რისკებს რეგიონში.