ფოთის მუნიციპალიტეტის მერია, საქართველოს პრემიერ-მინისტრის გადაწყვეტილებას, რომელიც 0- დან 17 წლის ჩათვლით ბავშვებისთვის 200 – ლარიანი დახმარების გაცემას ეხება, მშობლებს, ბავშვების სპეციალურ პორტალზე დარეგისტრირების პროცესში დახმარებას გაუწევს.
დაინტერესებულ მოქალაქეებს შეუძლიათ მიმართონ მერის წარმომადგენლებს ადმინისტრაციულ ერთეულებში. ხოლო ქალაქში მცხოვრებმა მოქალაქეებმა დახმარებისთვის ფოთის მუნიციპალიტეტის მერიას (აღმაშენებლის 12-პირველი სართული ).
რეგისტრაციის შესახებ შესაბამისი ინსტრუქცია ხელმისაწვდომია, ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს ვებ გვერდზე: www.moh.gov.ge და ელექტრონულ პორტალზე – daxmareba.moh.gov.ge
ელექტრონულ პორტალზე უნდა განთავსდეს შემდეგი სახის ინფორმაცია:
ბავშვის სახელი, გვარი, დაბადების თარიღი, პირადი ნომერი; მშობლის/კანონიერი წარმომადგენლის სახელი, გვარი, პირადი ნომერი; მშობლის/კანონიერი წარმომადგენლის სახელზე კომერციულ საბანკო დაწესებულებაში გახსნილი საბანკო ანგარიშის რეკვიზიტები (ბანკის ანგარიშის ნომერი); საკონტაქტო მობილური, რომელზეც მოკლე ტექსტური შეტყობინებების გაგზავნა მოხდება.
Loading ...
