საკრებულოს მე-16 სხდომა

29 სექტემბერს გაიმართა ქალაქ ფოთის მუნიციპალიტეტის საკრებულოს მე-16 გეგმიური სხდომა.
✍️საკრებულომ მოისმინა და ცნობად მიიღო ა(ა)იპ სკოლამდელი სააღმზრდელო გაერთიანების დირექტორის ანგარიში 2019 წლის 1 იანვრიდან დღემდე გაწეული მუშაობის შესახებ.
✍️სხდომაზე განსაკუთრებით აღინიშნა 2019-2020 წლებში სკოლამდელ დაწესებულებებში განხორციელებული ინფრასტრუქტურული პროექტები, ამჟამად სარემონტო სამუშაოები მიმდინარეობს მე-17 ბაღში სადაც სამუშაოებს გაეცნო საკრებულოს თავმჯდომარე. 2019 წელს გაიზარდა თანამშრომელთა ხელფასები 40 ლარით, ხოლო 2020 წლის სექტემბრიდან 100 ლარით.
✍️კორონა ვირუსის გავრცელების პრევენციის მიზნით სკოლამდელი სააღმზრდელო დაწესებულებების ფუნქციონირების დროებით შეწყვეტასთან დაკავშირებით მიმდინარეობდა კვების პროდუქტების გაცემა.
✍️ლტოლვილთა დანიის საბჭოს და გერმანიის რეკონსტრუქციის და განვითარების ბანკის ფინანსური მხარდაჭერით დაიწყო 9 აპრილის ხეივანზე ახალი საბავშვო ბაღის მშენებლობა, რომელიც გათვლილია 100 აღსაზრდელზე.
✍️მუნიციპალური განვითარების ფონდმა ტენდერი გამოაცხადა ბარათაშვილის ქუჩაზე, 120 აღსაზრდელზე გათვლილი 4 ჯგუფიანი ბაღის მშენებლობაზე, რომლის მშენებლობაც მიმდინარე წლის ოქტომბერში დაიწყება.
✍️საკრებულომ მიიღო გადაწყვეტილება დავით აღმაშენებლის ქუჩაზე მდებარე 219.00 კვ.მ და 1230.00 კვ.მ არასასოფლო-სამეურნეო დანიშნულების მიწის ნაკვეთების სახელმწიფო საკუთრებაში გადაცემაზე, შემდგომში „კორპორაცია ფოთის საზღვაო ნავსადგურზე“ გადაცემის მიზნით. აღნიშნული ნაკვეთები წარმოადგენს ერთადერთ გზას ნავსადგურის ადმინისტრაციული შენობის შესასვლელამდე, სადაც „კორპორაცია ფოთის საზღვაო ნავსადგური“ გეგმავს მასშტაბური პროექტების განხორციელებას. დაგეგმილი პროექტი განახლებული სადრენაჟო სისტემის გარდა, ითვალისწინებს გზის საფარისა და განათების მოწყობასაც, პროექტით გათვალისწინებული სამუშაოების ღირებულება შეადგენს 140.000 აშშ დოლარს.
✍️საკრებულომ განიხილა და ცნობად მიიღო ინფორმაცია ქალაქ ფოთის მუნიციპალიტეტის 2020 წლის ბიუჯეტის მე-2 კვარტლისა და 6 თვით შემოსულობების შესრულებით და ბიუჯეტიდან გამოყოფილი სახსრების ხარჯვის მდგომარეობის შესახებ.