ა(ა)იპ სოციალური მომსახურების ცენტრი შინ მიტანის სერვისზე გადავიდა

ქვეყანაში არსებული ეპიდემიოლოგიური ვითარებიდან გამომდინარე, 28 ნოემბრიდან, უწყებათაშორისი საკოორდინაციო საბჭოს გადაწყვეტილებით, საქართველოში წერტილოვანი შეზღუდვები ამოქმედდა. შეჩერდა შიდა საქალაქო საზოგადოებრივი ტრანსპორტის მუშაობა. ა(ა)იპ სოციალური მომსახურების ცენტრი, კვლავ შინ მიტანის სერვისით ემსახურება ბენეფიციარებს.
პროგრამის 300 ბენეფიციარს, ყოველდღიურად შინ მიეწოდება კუთვნილი ულუფა, რომელიც ა(ა)იპ სოციალური მომსახურების ცენტრის დიეტოლოგის მიერ დადგენილი მენიუს შედეგად მზადდება.
საკვების დარიგების პროცესს ქალაქ ფოთის მერი გოჩა კურდღელია, საკრებულოს თავმჯდომარე ბექა ვაჭარაძე, ქალაქ ფოთის მერის მოადგილე მამუკა პაპასკირი დაესწრნენ. მათ სოციალური მომსახურების ცენტრის სასადილო დაათვალიერეს და იქ არსებულ საჭიროებებს გაეცნენ.