ნატოს საზღვაო ძალების ვიზიტი ფოთში

2021 წლის 15-18 მარტს ქ. ფოთის ნავსადგური NATO-ს მუდმივმოქმედ №2 საზღვაო შენაერთის (SNMG2) ოთხ ხომალდს მასპინძლობს:
საფლაგმანო ხომალდი “CRISTOBAL COLON” (ესპანეთი),
”REGINA MARIA” (რუმინეთი),
”KEMALREIS” (თურქეთი),
”SMELI” (ბულგარეთი).
საპორტო ვიზიტი საქართველოს შავი ზღვის პორტებში რეგულარულ ხასიათს ატარებს და მიზნად ისახავს საქართველოსა და ალიანსის წევრი – პარტნიორი ქვეყნების საზღვაო ძალებს შორის ურთიერთთავსებადობის ამაღლებას.
შენაერთის ვიზიტი საქართველოში დაავადებათა კონტროლის ეროვნული ცენტრის რეკომენდაციების სრული დაცვით ხორციელდება. COVID-19-ის შესაძლო გავრცელების პრევენციის მიზნით დაგეგმილი ერთობლივი წვრთნები მხოლოდ ხომალდების მანევრებს ითვალისწინებს ეკიპაჟების ურთიერთქმედების გარეშე.
სამეგრელო ზემო-სვანეთის სახელმწიფო რწმუნებულმა მალხაზ თორიამ, ქალაქ ფოთის მუნიციპალიტეტის საკრებულოს თავმჯდომარე ბექა ვაჭარაძემ და მერმა გოჩა კურდღელიამ დახვედრის საზეიმო ვითარებაში მიიღეს მონაწილეობა.
ნატოს ხომალდები საქართველოს ტერიტორიულ წყლებს 18 მარტს, შინაგან საქმეთა სამინისტროს სასაზღვრო პოლიციის სანაპირო დაცვასთან ერთად დაგეგმილი წვრთნების დასრულების შემდგომ დატოვებენ.