🇬🇪🇵🇱 შეხვედრა პოლონეთის რესპუბლიკის სამთავრობო დელეგაციასთან

🇬🇪🇵🇱 ფოთს პოლონეთის რესპუბლიკის, ზედა სილეზიის რეგიონის სამთავრობო დელეგაცია სტუმრობდა.
🤝 ვიზიტის მიზანი საქართველოსთან სამეწარმეო თანამშრომლობის განვითარება, ეკონომიკური აქტივობების დაგეგმვა და აღმოსავლეთ ევროპის მოწინავე ქვეყნების საუკეთესო პრაქტიკის გაზიარებაა. საუბარი შედგა ფოთის სამრეწველო, სატრანსპორტო და საინვესტიციო პოტენციალზე. ასევე სტუმრები ფოთის ნავსადგურისა და თავისუფალი ინდუსტრიული ზონით დაინტერესდნენ.
✅ სახელმწიფო ჰიდროგრაფიის სამსახურში გამართულ შეხვედრაზე, პოლონეთის სავაჭრო დელეგაციას, სილეზიის სავოევოდოს მარშალს, ბატონ იაკუბ ხევსტოვსკის, სილეზიის სავოევოდოს რეგიონული პარლამენტის თავმჯდომარეს იან კავულოკს და დელეგაციის სხვა წევრებს – სამეგრელო-ზემო სვანეთში სახელმწიფო რწმუნებული გიორგი გუგუჩია, საკრებულოს თავმჯდომარე ბექა ვაჭარაძე და ქალაქ ფოთის მუნიციპალიტეტის მერი გოჩა კურდღელია შეხვდნენ.