ფოთში 2008 წლის აგვისტოს ომში დაღუპულთა ხსოვნას პატივი მიაგეს

ფოთში 2008 წლის აგვისტოს ომში დაღუპულთა ხსოვნას პატივი მიაგეს.
ადმინისტრაციულ შენობებზე დაშვებულია სახელმწიფო დროშები.
ხსოვნის მემორიალი ყვავილებით შეამკეს ქალაქ ფოთის მერის მოადგილეებმა-მამუკა პაპასკირმა და ზაქარია გვრიტიშვილმა,საკრებულოს თავმჯდომარე ბექა ვაჭარაძემ, საკრებულოს წევრებმა და აგვისტოს ომში დაღუპული ფოთელების ოჯახის წევრებმა.
ფოთის საკათედრო ტაძარში კი აგვისტოს ომში დაღუპულთა სულის მოსახსენიებელი პანაშვიდი აღევლინა. 8 აგვისტოს მოვლენებმა ფოთის 11 მოქალაქის სიცოცხლე იმსხვერპლა. დაშავდა 80-მდე ადამიანი.
ფოთის მუნიციპალიტეტის მერიამ, სოციალური პროგრამის ფარგლებში, 2008 წლის აგვისტოს ომში დაღუპულთა ოჯახებს 500-500 ლარი გადასცა.