საერთაშორისო კამპანიის „დავასუფთაოთ მსოფლიოს“ ფარგლებში ფოთში დასუფთავების აქცია გაიმართა

საერთაშორისო კამპანიის „დავასუფთაოთ მსოფლიოს“ ფარგლებში ფოთში დასუფთავების აქცია გაიმართა.
ღონისძიებაში ქალაქ ფოთის მუნიციპალიტეტის მერის მოადგილე მამუკა პაპასკირი და მერიის თანამშრომლები ჩაერთნენ, რომლებმაც საყოფაცხოვრებო ნარჩენებისგან დაასუფთავეს ტყე-პარკის მიმდებარე ტერიტორია და კუნძულის სანაპირო ზოლი.
საქართველოში კამპანია „დავასუფთაოთ მსოფლიო“ ტარდება მწვანეთა მოძრაობა/დედამიწის მეგობრების კამპანიის „დავასუფთაოთ საქართველო“-ს ორგანიზებით „დავიცვათ საქართველოს სისუფთავეს“ -ს ფარგლებში.
პროექტი ხორციელდება შვედეთის მთავრობის მხარდაჭერით.
საერთაშორისო კამპანია „დავასუფთაოთ მსოფლიო“ 1992 წელს გაეროს გარემოსდაცვითი პროგრამის (UNEP) ინიციატივით დაარსდა.
კამპანიაში მსოფლიოს 130 ქვეყანაა ჩართული, მათ შორის საქართველო.
მიმდინარე წლის კამპანიის გზავნილია – „ადგილობრივი გარემოსდაცვითი ქმედებების მხარდაჭერა, რათა შეიცვალოს სამყარო.“