ფოთის კულტურის განვითარების სტრატეგიაზე მუშაობა დაიწყო

📍ფოთის კულტურის განვითარების სტრატეგიაზე მუშაობა დაიწყო
🔹ქალაქ ფოთის მუნიციპალიტეტის ნიკო ნიკოლაძის სახელობის სხდომათა დარბაზში ფოთის კულტურის სტრატეგიის შემუშავების პროექტის პრეზენტაცია ჩატარდა, სადაც სტრატეგიის შემუშავების ეტაპებზე , დაგეგმილ სამუშაოებზე და მოქალაქეთა ჩართულობის მექანიზმებზე ისაუბრეს.
ქალაქის კულტურის სტრატეგიაზე მუშაობა შესაძლებელი გახდა ევროკავშირის პროექტის #EU4Culture გრანტის საშუალებით.
პროექტის მთავარი მიზანია, ხელი შეუწყოს კულტურის როლის გაზრდას ეკონომიკური და სოციალური განვითარების პროცესში.
შეხვედრაზე ფოთელმა გრაფიკოსმა, ლიკა კეშელავამ პროექტის ლოგო და ვიზუალური იდენტობა წარადგინა, რასთან დაკავშირებითაც წარიმართა დისკუსია.
სტრატეგიის შექმნა მონაწილეობითი პრინციპით დაინტერესებულ პირთა აქტიურობასა და ფართო საზოგადოებასთან მუდმივ კომუნიკაციას დაეყრდნობა.
ქალაქ ფოთის მუნიციპალიტეტი იწვევს ყველა დაინტერესებულ პირს, შეუერთდეს ამ საინტერესო პროცესს.
პროექტი დაფინანსებულია ევროკავშირის მიერ, პროექტის EU4Culture ფარგლებში, რომელსაც ახორციელებს გოეთეს ინსტიტუტი, ჩეხეთის ცენტრები, დანიის კულტურის ინსტიტუტი და საქართველოს ფრანგული ინსტიტუტი.
#EU4Culture #PotiCultureStrategy