საფეხბურთო კლუბ ,,კოლხეთი 1913 ”-ის ცენტრალურ სტადიონზე არსებულ საფეხბურთო ბაზას სრული რეაბილიტაცია უტარდება

⚽ საფეხბურთო კლუბ ,,კოლხეთი 1913 ”-ის განვითარებისა და ქალაქში ფეხბურთის ხელშეწყობის მიზნით, ცენტრალურ სტადიონზე არსებულ საფეხბურთო ბაზას სრული რეაბილიტაცია უტარდება.
✅ პროექტის ფარგლებში გათვალისწინებულია ახალი სახურავის და გათბობის სისტემის მოწყობა, სველი წერტილების და აივნის მიშენება, ოთახების და გარე ფასადის რეაბილიტაცია, კარ-ფანჯრების შეცვლა, სამედიცინო პუნქტის მოწყობა.
📌 მიმდინარე სამუშაოები ადგილობრივი ბიუჯეტის დაფინანსებით ხორციელდება და მისი სახელშეკრულებო ღირებულება 481 440 ლარს შეადგენს.
⚽ ფოთის ,,კოლხეთი 1913’’ მე-2 ლიგაში გადასასვლელად იბრძვის. ამჟამად, გუნდი მე-3 ლიგაში მე-2 ადგილს იკავებს და 15 სექტემბერს შინ გამართავს მორიგ შეხვედრას.
✊🏻 ადგილობრივი ხელისუფლება აქტიურად გააგრძელებს სპორტსმენების მხარდაჭერას და მოტივაციას ,რათა მათ უფრო მეტ წარმატებას მიაღწიონ.