ფოთში, სტიქიისგან დაზიანებულ მრავალბინიან სახლებსა და საჯარო დაწესებულებებში გადახურვისათვის მოსამზადებელი სამუშაოები დაიწყო.
მიმდინარეობს ძლიერი ქარის შედეგად დაზიანებული შენობების სახურავების გაწმენდა/გასუფთავება, რის შემდეგაც სწრაფი ტემპით დაიწყება აღდგენითი ღონისძიებები.
ძლიერი ქარისგან მიყენებული ზიანის შემსწავლელმა კომისიამ შეისწავლა სტიქიისგან მიყენებული ზარალის ტიპი და ოდენობა. დაიგეგმა შესაბამისი ღონისძიებები:
მერიის სარეზერვო ფონდის ბიუჯეტიდან, სტიქიის შედეგად დაზარალებულ კერძო სახლების მესაკუთრეებზე ფულადი კომპენსაცია გაიცემა.
საქართველოს პრემიერ-მინისტრის ირაკლი ღარიბაშვილის გადაწყვეტილებით, სტიქიის სალიკვიდაციო ფონდიდან გამოყოფილი თანხებით მყისიერად განხორციელდება სტიქიისგან მიყენებული მუნიციპალური ობიექტების ინფრასტრუქტურის ზიანის აღმოფხვრის პროცესი.
![](https://poti.gov.ge/wp-content/uploads/2023/01/326025158_1542940472894005_4069705492253057761_n.jpg)
![](https://poti.gov.ge/wp-content/uploads/2023/01/325328400_6425236824170610_5127259114056537522_n.jpg)
![](https://poti.gov.ge/wp-content/uploads/2023/01/325681749_704120697995558_3715936461172364786_n.jpg)
![](https://poti.gov.ge/wp-content/uploads/2023/01/324743013_726332465482228_9198074045809854950_n.jpg)