ფოთი წელს მეორედ უმასპინძლებს ფოთის ჩემპიონატს ფეინთბოლში

ქალაქ ფოთის მუნიციპალიტეტი წელს უკვე მეორედ უმასპინძლებს ფოთის ჩემპიონატს ფეინთბოლში!
ჩემპიონატში მონაწილეობის მიღება შეუძლიათ 15-29 წლის ფოთში რეგისტრირებულ ახალგაზრდებს. ტურნირი 22 აგვისტოს 13:30 საათზე მალთაყვის ტყე-პარკის ტერიტორიაზე გაიმართება.
ფეინთბოლი არის გუნდური (თითო გუნდში 5 წევრი), ექსტრემალური, ტექნიკურ-სპორტული თამაში, რომელიც წარმოადგენს საბრძოლო ქმედებების იმიტაციას განსაზღვრულ ტერიტორიაზე. ამისათვის გამოიყენება სპეციალური პნევმატური იარაღი (ე.წ. მარკერი) და საღებავიანი ჟელატინის ბურთულები. თამაშები მიმდინარეობს ტყეებში, ღია მოედნებზე, შენობებში, ბუნებრივი და ხელოვნური ბარიერებისა და საფარების გამოყენებით. თამაშები ჩატარდება ოლიმპიური წესით.
ტურნირში მონაწილეობის მისაღებად დაინტერესებულმა პირებმა, ინფორმაცია გამოაგზავნეთ ქალაქ ფოთის მუნიციპალიტეტის მერიის კულტურისა და სპორტის სამსახურის ელ-ფოსტაზე: cempsypoti@gmail.com
სარეგისტრაციოდ წარსადგენი დოკუმენტაცია:

– სახელი და გვარი;
– პირადობის ან დაბადების მოწმობის ასლი;
– ფაქტიური საცხოვრებელი მისამართი;
– ელ-ფოსტა;
– ტელეფონის ნომერი.
საბუთების მიღების ბოლო ვადაა 2023 წლის 21 აგვისტო, 18:00 საათი.
დამატებითი კითხვებისთვის დარეკეთ მითითებულ ნომერზე: 591 41 75 24
ჩემპიონატის ორგანიზატორია საქართველოს ფეინთბოლის ეროვნული ფედერაცია, ფინანსური მხარდამჭერი კი – ქალაქ ფოთის მუნიციპალიტეტი.