საზაფხულო საყმაწვილო კინოსკოლა იწყება

ქალაქ ფოთის მუნიციპალიტეტი წელს უკვე მეორედ ახორციელებს კინოსკილის პროექტს ახალგაზრდებისათვის.
საზაფხულო საყმაწვილო კინოსკოლის კურსი შედგება თეორიული სასწავლო კურსისა და პრაქტიკული სამუშაოებისაგან. თეორიული სასწავლო კურსის ფარგლებში მონაწილეებს ექნებათ საშუალება შეისწავლონ სამსახიობო ხელოვნება, კინოდრამატურგია, კინოსაოპერატორო ხელოვნება, კინორეჟისურა და მონტაჟი, კინოსა და კულტურის მენეჯნეტი. ხოლო პრაქტიკულ სამუშაოზე შეისწავლიან მოკლემეტრაჟიან 5-10 წუთიან, სამოყვარულო ფილმის გადაღებას.
თეორიულ და პრაქტიკულ მეცადინეობებს ჩაატარებს 6 მოწვეული კვალიფიციური პედაგოგი. სწავლების კურსის ხანგძლივობა: 11 დღე.
პროექტში მონაწილეობის მიღება შეუძლია 10-დან 17 წლამდე ასაკის მქონე 30 მონაწილეს.
პროექტში მონაწილეობის მიღება არ შეუძლია 2022 წელს პროექტის ,,საზაფხულო საყმაწვილო კინოსკოლა“ მონაწილეს.
,,საზაფხულო საყმაწვილო კინოსკოლაში“ რეგისტრაციისთვის დაინტერესებულმა პირებმა დოკუმენტაცია გამოაგზავნეთ ქალაქ ფოთის მუნიციპალიტეტის მერიის კულტურისა და სპორტის სამსახურის ელფოსტაზე: cempsypoti@gmail.com
სარეგისტრაციოდ წარსადგენი დოკუმენტაცია:
– სახელი და გვარი;
– დაბადების მოწმობის ასლი;
– ფაქტიური საცხოვრებელი მისამართი;
– მონაწილის ტელეფონის ნომერი;
– მშობლის საკონტაქტო ნომერი.
საბუთები მიიღება 2023 წლის 29 აგვისტომდე.