2023-2024 სასწავლო წლის გაზაფხულის სემესტრის ნიკო ნიკოლაძის სახელობის სტიპენდიატი 37 ახალგაზრდა გახდა!
2024 წელს სტიპენდია გაიცა ქალაქ ფოთის მუნიციპალიტეტის ტერიტორიაზე არსებული, ავტორიზებული უმაღლესი საგანმანათლებლო დაწესებულებების პირველი საფეხურის პროგრამების სტუდენტისათვის. პროგრამის ფარგლებში ნიკო ნიკოლაძის სახელობის სტიპენდია ხუთმა სტუდენტმა მოიპოვა.
ასევე, ტრადიციულად სტიპენდია გაიცა, საქართველოს ტერიტორიაზე არსებული, ავტორიზებული უმაღლესი საგანმანათლებლო დაწესებულებების პირველი და მეორე საფეხურის ფოთელი სტუდენტებისთვის. პროგრამის ფარგლებში ნიკო ნიკოლაძის სახელობის სტიპენდია 32-მა სტუდენტმა მოიპოვა.
მუნიციპალური სასტიპენდიო პროგრამა სემესტრული ხასიათისაა. დაფინანსება გაიცემა წელიწადში 2-ჯერ – გაზაფხულისა და შემოდგომის სემესტრის შედეგების საფუძველზე. პროგრამის მიზანია სწავლაზე ორიენტირებული, მოტივირებული და წარმატებული ფოთელი სტუდენტების ფინანსური წახალისება.
გილოცავთ სტიპენდიატებს და წარმატებებს გისურვებთ !
Loading ...
