ფოთის მერმა აზიის განვითარების ბანკის წარმომადგენლებს უმასპინძლა

🤝🏻ფოთის მერმა ბექა ვაჭარაძემ, აზიის განვითარების ბანკის წარმომადგენლებს უმასპინძლა.
✊🏻სამუშაო შეხვედრის ფარგლებში, მხარეებმა მიმდინარე და სამომავლო გეგმებზე ისაუბრეს, რომელიც ქალაქ ფოთის მუნიციპალიტეტში, აზიის განვითარების ბანკის მხარდაჭერით ხორციელდება. ასევე, შეთანხმდნენ მომავალში მჭიდრო თანამშრომლობაზე.
🚧აღსანიშნავია ის ფაქტი, რომ ფოთში, მდინარე რიონზე ფოლად-რკინა-ბეტონის 8 მალიანი საავტომობილო ხიდი აშენდება, რომელიც სწორედ აზიის განვითარების ბანკის ფინანსური მხარდაჭერით განხორციელდება. ხიდი 436 მეტრს, ხოლო მისასვლელი გზების სიგრძე, ჯამში, 2 კმ-ს შეადგენს. პროექტის საერთო ღირებულება კი 60.8 მილიონი ლარია. აღნიშნული პროექტის ხელშეკრულება უკვე გაფორმებულია და ამ ეტაპზე მშენებლობის წინამოსამზადებელი სამუშაოები მიმდინარეობს.
📌ახალი ხიდის მშენებლობა, ფოთის მიმართულებით, მაღალი ინტენსივობის საერთაშორისო მნიშვნელობის გზაზე, შეუფერხებელ სატრანზიტო მიმოსვლას უზრუნველყოფს.