პროექტი “მუნიციპალიტეტები მდგრადი ენერგეტიკისა და კლიმატისთვის”

საკრებულოს თავმჯდომარის პირველმა მოადგილემ მაია დოლბაიამ მონაწილეობა მიიღო კლიმატის ცვლილების საბჭოს სხდომაში.სხდომის მიზანი იყო მდგრადი ენერგეტიკისა და კლიმატის გეგმის (SECAP) მეთოდოლოგიის დამტკიცება და საკოორდინაციო საბჭოს ანგარიშის წარდგენა.აქვე გაიმართა ღონისძიება პროექტის „მუნიციპალიტეტები მდგრადი ენერგეტიკისა და კლიმატისთვის“ ფარგლებში, სადაც განხილული იქნა მუნიციპალიტეტების მდგრადი ენერგეტიკისა და კლიმატის სამოქმედო გეგმების (SECAP) სამუშაო ვერსიების ძირითადი საკითხები, მუნიციპალიტეტების მხრიდან მიღებული გამოცდილება. შედგა სამოქმედო გეგმების მომზადებისა და მონაცემების დამუშავების მიზნით შექმნილი ელექტრონული სისტემის პრეზენტაცია.შეხვედრა პროექტის „ინტეგრირებული გამჭვირვალობის ჩარჩო“ (CBIT ITF) ტექნიკური მხარდაჭერით გაიმართა.პროექტი ინიცირებულია საქართველოს გარემოს დაცვისა და სოფლის მეურნეობის სამინისტროს მიერ და მისი აღმასრულებელია კავკასიის რეგიონული გარემოსდაცვითი ცენტრი (REC Caucasus). პროექტის დაფინანსებას უზრუნველყოფს გლობალური გარემოსდაცვითი ფონდი (GEF), განხორციელებას – გაეროს გარემოსდაცვითი პროგრამა (UNEP)