კუნძულის უბნის სანაპირო ზოლის რეაბილიტაცია გრძელდება

ქალაქ ფოთის მუნიციპალიტეტის მერმა გოჩა კურდღელიამ ხელი მოაწერა ხელშეკრულებას მეორე ეტაპის სამუშაოების განხორციელებაზე.
კუნძულის სანაპირო ზოლის რეაბილიტაციის მეორე ეტაპზე გათვალისწინებულია საფეხმავლო გზისა და ველობილიკის მოკირწყლვა, ჯებირების რეკონსტრუქცია, დასასვენებელი ნაგებობების, ვეტერანთა სახლის, მინი სპორტული სტადიონისა და 270 მაყურებელზე გათვლილი, ჩოგბურთის კორტის მშენებლობა.
სამუშაოების ღირებულება 1 841 155 ლარს შეადგენს. სამუშაოები მიმდინარე წლის შემოდგომაზე დასრულდება.