ქალაქი ფოთი მოსწავლე მოკრივეთა შორის საქართველოს 2021 წლის ჩემპიონატს მასპინძლობს

ქალაქი ფოთი მოსწავლე მოკრივეთა შორის საქართველოს 2021 წლის ჩემპიონატს მასპინძლობს.
ღონისძიების გახსნას ქალაქ ფოთის მუნიციპალიტეტის მერის მოადგილე პაატა ლაგვილავა და საკრებულოს თავმჯდომარე ბექა ვაჭარაძე დაესწრნენ. მათ ახალგაზრდა სპორტსმენებს წარმატებები უსურვეს.
ჩემპიონატში საქართველოს სხვადასხვა რეგიონის 2007-2008 წლებში დაბადებული 150-მდე მოკრივე ასპარეზობს, ფოთიდან კი მასში ქალაქ ფოთის კრივის სასპორტო სკოლისა და მოკრივეთა კლუბ ,,ლიდერი’’-ს სპორტსმენები მონაწილეობენ.
ჩემპიონატი საქართველოს კრივის ეროვნული ფედერაციისა და ქალაქ ფოთის მუნიციპალიტეტის ორგანიზებით იმართება.
აღნიშნული ჩემპიონატის შედეგების მიხედვით დაკომპლექტდება საქართველოს ნაკრები, რომელიც ევროპის ჩემპიონატზე მიიღებს მონაწილეობას.ჩემპიონატი საქართველოში არსებული ეპიდსიტუაციიდან გამომდინარე, რეგულაციების სრული დაცვით მიმდინარეობს.
საქართველოს 2021 წლის ჩემპიონატი მოსწავლე მოკრივეთა შორის დღეს დაიწყო და 18 აპრილს დასრულდება.